好凍唷~~

呢幾日真係好鬼凍, 凍到都唔願郁,乜都唔想做, (由其係要濕水嘅,)只係對住部暖風機過日神,
gigi就唔洗講喇,除咗食野同去廁所,其餘嘅時間都係被竇入面冬眠,
而minnie雖然唔識捐入被竇瞓,不過亦唔執輸喎,識係部暖風機前面瞓唷,哈哈~~

 

廣式月餅2009

這是整給妹妹她們的,

今次去了樂天買蓮蓉,買了1斤黃蓮蓉,兩斤白蓮蓉,價錢同是$28. 1斤

經過上次唔夠秤,今次買嘅都上磅,磅下先

首先磅白蓮蓉,兩斤應是1200g,只有1197g,少了3g

 

跟住磅黃蓮蓉,1斤應是600g,有719g,即多了119g.

 

黃蓮蓉呢我覺得乾身咗d,因為包蛋黃時都幾難包下,而甜度黃蓮蓉亦比白蓮蓉甜,

由於老二唔食月餅的,所以冇整佢個份,

老三要迷你月餅,

 

而老四同老五就要3黃 ,

 

 

 

廣式月餅預習2009

今年想整廣式雙黃蓮蓉月與迷你蓮蓉月,俾妹妹她們,

整之前當然要預習下先喇,(驚到時拿手唔成世)

咁首要做嘅就係去買餅模同蓮蓉,買齊所需要嘅就回家準備開工喇,

當洗餅模時先發覺要嚟整雙黃月餅個餅模size買大咗,

跟住手痕痕攞包蓮蓉嚟磅下,一睇,唔係下?差咁遠?

包蓮蓉印住300克加喎,而家得274克,

 

再磅埋另一包,呢包好好多有297克,

每包白蓮蓉已經用兩個膠袋包住都唔夠秤,下次都幾難會再幫襯佢,

 

3黃白蓮蓉：原本諗住整雙黃的,見個餅模size大咗,就試下整3黃喇,

 

3黃白蓮蓉：原本諗住整雙黃的,見個餅模size大咗,就試下整3黃喇,

 

迷你白蓮蓉,

 

 

 

奶黃脆月餅

這是去年中秋整給妹妹她們的,而奶黃餡是買現成的,

由於我唔係好食得甜,所以覺得呢個奶黃餡甜咗d d,

今年如果有時間的話,會試下自己整個奶黃餡.

鮮奶燉蛋

蒸水蛋就整得多而燉蛋就未整過,

今次就用個智能煲嚟試整燉蛋,整兩碗,睇下掂唔掂,

都係放條濕毛巾底墊,12分鐘搞掂,碗燉蛋好滑唷.

竹炭餐肉包與竹炭鳳梨饀包

想整包包,又唔知整咩包好,打開雪柜睇睇,見到有餐肉同鳳梨餡,

咁就用這些剩餘物資整了兩款包包.

竹炭餐肉包

 

 

竹炭鳳梨饀包

 

 

桂花馬蹄糕

最近見有時間,就不停攞個智能煲嚟攪下嘢,今次就攪蒸糕,個煲蒸糕不用放水的,

只要放條濕d嘅毛巾墊底就可以喇,今次試下同一時間蒸兩盤6吋的馬蹄糕,

係糕盤上放對筷子,再放上另一個糕盤,就可以一次蒸兩盤糕喇.

 

只需35-40分鐘就蒸好兩盤糕喇 .

 

 

 

白切雞

呢隻雞係用個智能煲嚟整,做法呢,用薑蔥墊底加兩樽蓋米酒,

由於聽唔到响聲,大約一個鐘到,去睇下點解咁耐都未得嘅?

哦…..原來個浮子閥已經落下,咁即時打開蓋喇,嘩…….好香唷,

我覺得隻雞熟咗d d,雖然雞肉重係滑的,不過雞皮呢,就好黏手,

所以一斬隻雞,d皮就爛囉~~

椰子煲烏雞

這個湯近期在我家好旺場,每個星期最少會煲一次,

加埋椰子水一齊煲,煲好再加椰汁,這個湯真係好好味架~~

蘿蔔燜牛腩

平時好小整燜嘢食的,見個智能煲話燜嘢都掂,重唔洗落水tim,
就買些牛腩嚟試,用薑蔥墊底,而調味只係落咗一湯匙豉油+一粒仔冰糖,

大約40分鐘就燜好,真係原汁原味,牛腩燜得好林,

不過d腩汁太肥,見到都打冷震,所以d腩汁就唔要喇.

伯爵奶茶麵包

食譜來自：天然麵包香

我平時整包呢,第一次用的食譜,一定唔會一次過落晒所有水的,

而今次真失敗,忘記了,一下子就落晒所有水,

將材料混合時發覺,死喇,麵糰係勁濕,一pat嘢咁,點算?唔通放棄?

如果放棄的話咪浪費咗d材料囉,但麵糰實在太濕,根本無法用手去搓,

如果加麵粉的話又會影響個包的質感,點算呢????????

最後唯有用撻的方式去搞掂pat麵糰,麵糰發酵好,到整型時舊麵糰都重係濕,一轆就粘棍,所以轆唔到,唯有將麵糰係咁易捲埋放入模,

唔知係咪我少飲紅茶的關係,我唔係好接受到呢隻茶葉果陣味,覺得陣味怪怪地,好彩個包焗出嚟之後d味淡好多.

估唔到,咁搞法,個包都重係好軟熟,不過包邊就焗得唔夠色.

 

紫心番薯麵包

食譜來自：天然麵包香

係2月的某一日,有位鄰居打電話給我,問我有冇天然麵包香這本書,我話冇呀,
我問番這位鄰居,做咩呀?鄰居話冇…..
問下啫,跟住傾咗幾句就收線,到晚上這位鄰居嚟拍門,
一開門鄰居就遞本書俾我話,送給妳的,跟住話係書店無意中見到這本書,
更被書中的紫心番薯麵包吸引住,好想食,所以就打電話問我有冇這本書,
我答,哦…..你想食這款包?咁本書借俾我睇咪得囉,
鄰居話只識食,都唔識整,本書係一心買俾妳的,要我收咗本書,
有時間的話整包包俾佢食就得喇,呵呵呵……
鄰居為咗個紫心番薯包而買呢本書,當然要整番個紫心番薯包,俾這位鄰居食喇.

咖啡三重奏

這個蛋糕其實想學好耐,不過每次都唔啱時間,今次見時間啱就拿拿聲報喇,
呢間烘焙室都係第一次去,個Miss教得都唔錯,
蛋糕有3層,面層係朱古力咖啡慕司,中層炭燒咖啡慕司,
而餅底係咖啡海棉蛋糕,個蛋糕真係好正,每一層都有我喜歡的咖啡味,
而老細呢,平時係唔太喜歡食慕司蛋糕的,我切咗一件俾老細,
老細望下件蛋糕就話好似好硬咁嘅,不過當佢食咗一啖就話好得喎,
跟住重食多兩件,食蛋糕的時候,老細係剛食完一大碗麵唷~~

流沙包與麻蓉包

前幾日去怪師傅度學的,個餡都係自己整,兩款包都好好味,不過食的時候要小心點唷,由其係個麻蓉包,老細食嘅時候我已經同佢講,小心d食呀,話口未完,老細一口咬落個麻蓉包度,d麻蓉流到成手都係,呵呵呵.

 

流沙包

 

麻蓉包

 

 

南瓜乳酪麵包

食譜來自：孟老師的100道麵包

上次整竹炭土司時,買嘅高溶點芝士,還有一半淨,由於我係買散裝的,買的時候問佢地幾時到期,佢地話擺2-3個星期喇,哦….咁就要快D用咗佢喇,無謂浪費丫嘛,

搵書搵食譜睇下整咩包先,見孟老師個南瓜乳酪麵包內餡係用高溶點芝士,而麵粉就用高筋麵粉同低筋麵粉,好似好特別咁喎,(因為我未試過,用高粉加低粉整麵包的)咁就整南瓜乳酪包喇,

原來個麵糰都幾難搓下,開始時未加入南瓜泥,個麵糰係好好好乾的,(由於麵糰太乾身好難先搓到成糰)到加咗南瓜泥的時候又好好好好好濕喎,

個包都幾好食,可能係加咗低筋麵粉的關係,我覺得食落D質感唔太似麵包,反而似蛋糕多DD.

竹炭乳酪土司

食譜來自：孟老師的100道麵包

第一次做帶蓋土司,失敗了,土司不能做到頂角,

還有內部組織亦唔夠細緻,不過土司還是很鬆軟和很好吃的,

食材中的竹炭粉同高融點芝士都係第一次食,

我覺得竹炭粉聞同食都冇咩特別味道而顏色呢,
係書度睇到土司是深黑色的,我買果隻黑炭粉都係黑色,
唔知點解我果個做出嚟係深灰色嘅?唔通份量落少咗,
高融點芝士呢就咸咸地,好似片裝芝士咁常下,

宵夜

我家老細的工作是要輪更的,1個月返早,1個月返夜,

返夜呢,放工的時候已經係凌晨,返到屋企係大約兩點左右喇,
我就每晚都會準備些食物等佢返嚟一起食,
今個月又到返夜喇,咁整宵夜通常都係整粉麵粥之類,
而昨晚嘅宵夜係炒河粉+1個唔知算唔算係老火湯嘅湯,哈哈……..
因為個湯係用智能煲煲,煲咗1個鐘左右,講開煲湯,
以前一個月都係煲1-2次咁常下, 自從買咗個智能煲之後就勤力咗,
而家1個星期會煲1-2次湯,個煲真係好方便,
只要將材料放入煲內”按製”或預置時間,唔洗1個鐘就攪掂,
不過我覺得再煲多15-30分鐘個湯會好味好多唷~~

海龍海馬蘋果瘦肉湯

 

金菇肥牛炒河粉

 

狗狗-紫椰菜雞肉芝士波

兩隻小魔怪昨天的晚餐,這個食譜係老五早前係本書度C落嚟俾我的,不過我喱個大頭蝦返到屋企就除手放埋一邊,跟住就唔記得咗喇,係前幾日執嘢先執返出嚟,昨日係惠康見到有紫椰菜賣,咁就順手買個整俾兩隻小魔怪食,Minnie個衰妹幾衰呀,淨係食晒d雞肉丸而乾糧就一粒都唔食,

先將紫椰菜與雞肉刴碎,混合好,d雞肉比d紫椰菜染成紫色啊......

 

蒸好嘅肉丸又變番淺色喎,其實中間係包一粒狗食芝士的,不過我冇芝士,

薯仔香草包

今次用咗預伴粉整包包,其實包粉都唔記得係幾時買的,
諗住過兩日去買材料就摷下有咩要買,摷下摷下見有包咁嘅嘢,
又就嚟到期,咁就開工整咗佢喇,

 

跟番佢的份量,用100g預伴粉加100g筋粉,這個係咸包,

記得亞Sir講過整糖份比例低嘅包用紅依士會發得好d,

之不過d紅依士已經過晒期,唯有用金依士喇,

唔知係咪因為咁,個麵糰發得唔係咁好,都冇咩點發大到,

 

 

個包好香架,不過對於我嚟講就好咸囉,

 

內部組織都ok的,