香港女童軍禁毒大匯演2010-4-25

香港女童軍禁毒大匯演於紅磡體育館舉行
大匯演主要以音樂劇形式演出,
藉此推廣健康生活及禁毒的訊息。
珍珍的姨甥囡有幸能參與演出劇中的邊青女孩
是次演出將於5月15日(星期六)下午一時於本港台播出.

 

 

 

 

  

波波學媽媽戴四方帽及著畢業袍

老四碩士畢業,Book咗影樓,話要著畢業袍同波波影番輯相,

重叫埋我哋一齊影全家福,

這是波波在家試裝時影的,

帽同袍都係老二的傑作,

由於老二沒有衣車,是一針一針縫唷,

 

這套西裝同帽是買的,由於頂帽是人戴的,經過老二加工,波波先可以戴到,

 

 

波波係影樓開始影相的時候,一見相機對住佢就合埋眼,點引佢都唔,

後來老四話有帶餅餅呀,波波個傻豬見有餅餅食,即刻唔同晒,

眼仔碌碌,係咁望住珍珍隻手,

原來波波好易呃的,後期唔用餅都得呀,

珍珍只係放隻手埋去比佢聞下,原來都喎,哈哈~~

 

 

 

蝦干炒勝瓜與番薯糖水

老細前幾日同舊同事飲茶,飲完茶攞咗一袋嘢返嚟,
內有,蝦干,紫菜與番薯,話係舊同事的家鄉嘢,
番薯自己種,連蝦干同紫菜都係自家製的,

 

其實珍珍從未食過蝦干,所以攞住包蝦干都唔知點食好?

真係唔知點解?蝦….珍珍係非常喜歡食的,

不過曬乾成蝦干或蝦米呢,就算見到都唔會食,
由於唔知蝦干點整,就去街市問菜檔亞姐?
蝦干煮咩好呢?菜檔亞姐話,煮勝瓜喇,包你話好味,
又教埋珍珍點煮,亞姐重話,如果d蝦干靚,可以要嚟蒸的,
蒸好加點豉油熟油就得喇,
珍珍就信亞姐買咗勝瓜煮蝦干,
唔……食落味道唔錯喎,

 

番薯就要嚟煲糖水,

 

食緊番薯糖水的時候就諗起,
早1-2個星期,同老細與幾個妹妹,係馬鞍山新港城果間八福甜品店食糖水,
我們5個人叫了4款甜品,
燉鮮奶：老細話麻麻地,
咖啡奶凍：老二話好味因好濃咖啡味,
酒釀丸子：老四話過甜,珍珍食咗一淡,真係好甜,
兩碗番薯糖水：珍珍同老五都覺得冇番薯味同薑味,就連甜味亦丁點都沒有,
珍珍真係從未食過咁唔當的番薯糖水.

 

蓮藕燜五花腩

噙日係街市遊蕩,睇下食咩好,

見到d蓮藕,就諗起蓮藕燜豬肉,

其實呢味餸珍珍好喜歡的

不過每次見到d蓮藕都唔細截,所以買唔落手,

其真兩個人食飯真的很難買餸,

買得多又食唔晒,買得少呢,人地又唔賣俾你,

剛巧係菜檔見有一截又唔大太舊的蓮藕,

呵呵呵就拿拿淋買喇,

除咗豬肉汆水,其餘部份都係用個智能煲整的,

在鍋內將材料爆好加調味及水,蓋上鍋蓋,15分鐘就聽到嗶嗶聲响喇.

加碟西蘭花,簡簡單單的一餐,

 

飯後整杯羅漢果水tim.