香煎培根土司：麵包機+焗爐

食譜來自：孟老師的100道麵包

土司面有洋蔥及Pizza芝士,

 

焗緊的時候已經聞到好香,

 

個土司好味得嚟又軟熟,

 

 

紫心蕃薯奶香麵包：麵包機+焗爐

食譜來自：孟老師的100道麵包

不過珍珍唔太喜歡食芋頭,所以將紫心蕃薯替代芋頭,

內餡有紫心蕃薯,牛油及三溫糖,

由於蕃薯本身有甜味,內餡已經減了糖份,都係甜咗d d,

焗緊包的時候,已經聞到好香牛油味,

包面那些酥鬆粒,脆脆的, (好似墨西哥包,包面那些),

這個包剛出爐時,很好食,但包包凍了那些酥鬆粒會淋,就冇咁好食喇~~

 

豆漿麥片土司：麵包機+焗爐

食譜來自：孟老師的100道麵包

這個土司想整好耐,不過內餡的無花果乾,唔知邊度有得賣,

最近至搵到,不過要去銅鑼灣買,

珍珍住天水圍,要去銅鑼灣,真係山長水又遠,

咁啱老五會去果頭,就托老五幫珍珍買,

珍珍有時想買些材料或其他東西,但又唔知邊度有得賣,

就會打鑼話比妹妹她們知,佢哋就會幫珍珍搵架喇,哈哈~~

個土司,好好味,真係好正呀

迷你吞拿魚包與南瓜乳酪麵包：麵包機+焗爐

這兩款包都係用麵包機嚟打麵糰的,之後再用焗爐焗,效果唔錯唷~~

 

迷你吞拿魚包

 

南瓜乳酪麵包

 

 

麵包機

都有一段時間冇整麵包,因為每次甩打麵糰的時候,
Minnie同GiGi就會好驚好不安,哩埋,叫都唔肯出嚟,
真係驚嚇親這兩位老人家,所以停咗整包包,
其實麵包差不多每日都會食,
而珍珍對整包,確實又真係有興趣啊……點好呢?
唯有買部麵包機幫手搓麵糰,
上網搵資料,見這部機都幾多人用,
口碑唔錯,價錢亦唔算貴,
部機攪麵糰時發出的聲只係好細聲,
由於部機唔嘈,真係三更半夜都可以開工整包唷,
珍珍覺得部麵包機,外型好似迷你洗衣機,
連攪麵糰時發出的聲音都好似洗緊衫咁,

 

 

試機時整的方包,珍珍冇用跟機的食譜,而係用網上搵到的麵包機食譜,
由於只得底部有發熱線,所以包面顏色比較淺,而側面同底部就靚仔好多囉.
個包雖然外型睇落唔多靚仔,不過食呢,就超軟熟唷~~