北海道牛奶吐司：麵包機+焗爐

食譜來自：65度湯種麵包

一連兩天都有整這個吐司,

這個吐司,珍珍打算做帶蓋的,

第一天做的

個麵糰發得好勁,睇少眼就…….

發到高過個模喇,唯有唔用蓋,掃些蛋液入爐喇,

 

由於個焗爐細,包面近發熱線,珍珍驚包面會過深色,

所以準備定鍚紙,要嚟蓋包面的,

點知入爐10分鐘左右,忽然聞到濃味,

珍珍就去個爐度望吓,呵呵呵……..

原來發到頂住發熱線,個吐司濃咗呀,

唔順氣,第二日再整過,

今次好似看賊咁睇住舊麵糰,差唔多就入爐喇,

 

焗咗30分鐘,出爐喇,一打開蓋,咦......白雪雪嘅?拿拿聲放返入爐,開高d火焗多15分鐘,

不過都係唔上色嘅?個吐司雖然唔靚仔,不過真係超軟,

查些果醬一齊食,真係冇得彈~~

 

 

鮮奶軟包：麵包機+焗爐

這個食譜珍珍唔記得係邊樹搵返嚟的,

個麵糰都幾濕吓,

 

開機攪多20分鐘就ok喇,

 

這個包真係好軟熟,剛出爐的時候外皮是脆脆的.